最新消息
超越顾问集团董事廖伟強先生接受壹週PLUS访问
本公司董事廖伟強(ALEX LIU)接受壹週PLUS访问，ALEX经营人事公司逾二十年，专门负责为政府部门、银行及中小企等机构聘请员工，他直指现时香港失业率低，「工搵人」多过「人搵工」，见过有公司「左拣右拣」，都不肯聘请九十后员工，令公司发展停滞不前，「唔少公司执埋！」
ALEX表示，现时公司求职者大部份皆为九十后，对他们的缺点瞭如指掌：「相对係唔太主动、沟通能力较差、做嘢唔够细心，但係依啲都係年轻人嘅通病，唔係九十后独有特质。」他亦收过不少客户投诉：「好似朝早返工，九点嗰时出现，但食晏时就唔见咗，客户就打嚟话A君喺边，一直都联络唔到佢，其实係唔想打依份工，但又没通知。」
他就指，对于这些僱主认为的「恶行」已习以为常，认为与其一味谩骂，不如发掘他们的优点。ALEX为更了解年青人的想法，公司八成的员工都是九十后，他就指聘用他们亦有不少好处：「佢哋社交平台认识绝对比我哋好，公司开Facebook account，佢哋都俾咗好多建议。」
为了更切合年青人的需要，公司不少政策都改变，如弹性上班及午饍时间、运动津贴、五天工作周等等。对于企业強制要求员工参加公司活动，他就不建议：「要员工星期六、日参加公司的活动，係好困难，所以好多公司都会推动喺办公时间去做，或者以补假形式。」
他补充，以目前香港情况，很多工作「应徵者正正常常已经请」，不少企业对九十后的看法已有改善，但仍然有公司不愿聘请九十后：「咁对间公司发展係好局限，因为依个原因而结业都会有，尤其是中小企比例会高啲！」
访问影片:https://www.youtube.com/watch?v=W0J3yDiI6PM
超越顾问集团员工接受壹週PLUS访问
从事会计工作的JIMMY忆述，第一份工受到上司「高压」监管，做了九个月就受不住要辞职：「因为嗰份工有啲文件係保密嘅，我就要喺一间长期上锁嘅房做嘢，变成只係对住两三个人，仲要成日OT，一企喺身上司就会睇到你做紧啲乜。」
他解释，由于上司的座位设置在员工身后，令他感到长期受到监管：「好容易会俾上司发现睇紧其他嘢，但有时可能同工作有关。好似早排出嘅施政报告，依啲新闻其实都同我的工作有关，睇吓新闻其实都唔係玩，对自己、公司同客沟通都有帮助。」
JIMMY指转工后，工作环境才改善：「我觉得最重要就係work-life balance，依方面都同公司发展好配合，希望多啲时间可以陪屋企人，或者发展自己兴趣。」而另一员工EMMA就表示：「希望有多啲工作机会，可以接触得到唔同类型嘅工作！」
他们的上司ALEX就指，导致年轻人抗压能力低，沟通能力欠佳，其实家长是主因之一：「依家啲家长太过关心子女，当然係爱佢，但有时会变咗害佢！」他指家长陪见工、上班及辞职已累见不鲜，最夸张是家长如客户般投诉：「佢问：『我个仔间公司，老闆点解咁同佢讲嘢？点解要坐个嗰位？隔离同事个位比较阔，放嘢会比较好，可唔可以调位？」最后唯有建议家长为儿子选择另外一份工作。他补充，不久「2000后」将开始找工作，预料家长的问题将会更严重：「家长係需要改变的，控制得太多对仔女都唔好。」
访问影片:https://www.youtube.com/watch?v=ohMZo6avWDs
Sharing from our Principal Consultant Jennifer Tam
Sharing from our Principal Consultant Jennifer Tam (2017)
